Ѓорче Петров успешно го претставува македонскиот женски клупски ракомет сезонава во Европскиот куп каде е меѓу најдобрите осум екипи во ова натпреварување.

Во осминафиналето ракометарките предводени од тренерот Симе Симовски во осминафиналето го елиминираа чешкиот претставник Кинжварт.

Европската ракометна федерација (ЕХФ) објави дека во вторник (23 јануари) со почеток од 11.00 часот во Келн ќе се одржи жрепката за четвртфиналните двојки.

Нема шешири, сите клубови ќе бидат сместени во еден сад од каде ќе се извлекуваат паровите. Сите екипи се можни ривали на ЖРК Ѓорче Петров, тие се Елче (Шпанија), Гранољерс (Шпанија) Гран Канарија (Шпанија), Венло (Холандија), Бенфика (Португалија), Михаловце (Словачка) и Јаликаваспор (Турција).

По дознавањето на четвртфиналните двојки, посебна ждрепка ќе ги одреди и полуфиналните парови со одредување кои победници од четвртфиналето ќе играат меѓусебно во следната фаза.

Првиот натпревар од четвртфиналето е закажан за 9/10 март, реваншот е на 16/17 март 2023 година.