Денеска од 18.00 часот македонскиот женски ракометен клуб Ѓорче Петров ќе го игра реваншот од осминафиналето во Европскиот куп на гости против Хазена Кинжварт.

Во првиот натпревар одигран во Скопје ракометарките предводени од тренерот Симе Симовски триумфираа со три голови разлика (32:29).

Останува да се види дали ваквата предност ќе биде доволна за пласман меѓу најдобрите осум екипи во ова натпреварување.

Судии на денешниот меч ќе бидат Руслан Лошак и Анаталија Новиков од Украина.

Составот на ЖРК Ѓорче Петров: Кицеска, Чурлиновска, Велкова, Костовиќ, Коларовска, Ѓорѓиевска, Е. Божиновска, М. Јанкуловска, Грковска, А. Јанкуловска, И. Божиновска, Ризоска, Николовска, Дамјаноска, Николиќ.