Легендарниот шпански лев бек Жорди Алба официјално објави дека ќе се повлече од професионалниот фудбал по завршувањето на тековната сезона во МЛС-лигата, каде настапува за Интер Мајами.

Иако имаше договор со клубот до 2027 година, 35-годишниот Алба донесе лична одлука да стави крај на својата кариера по повеќе од деценија на највисоко ниво. Во американскиот тим игра заедно со своите поранешни соиграчи од Барселона — Лионел Меси и Серхио Бускетс.

Алба зад себе остава блескава кариера исполнета со трофеи и признанија. Во дресот на Барселона освои: 6 титули во Ла Лига, 5 Купа на кралот, 1 титула во Лигата на шампиони (2014/15).

Исто така, беше и клучен дел од репрезентацијата на Шпанија, со која ја освои Европската титула во 2012 година.

Преземено од: Спорт.ком.мк