Жизел Бундшен стана мајка по третпат! Манекенката и нејзиниот 9 години помлад дечко му посакаа добредојде на нивното прво дете
Една од најубавите и најпознати манекенки на светот, Жизел Бундшен го доби првото дете со својот 9 години помлад дечко Хоаким Валенте.
Препорачано
Според „ТМЗ“, на мајката и на бебето им оди добро. Сè уште не е познато кога среќната двојка го дочекала детето, но изворите за медиумите тврдат дека тоа било неодамна, а не е откриен ниту полот.
Веста дека Жизел е бремена на 44 години привлече големо внимание, а папараците неуморно ја следеа во текот на целата бременост. Како што претходно беше објавено, Жизел ги испланирала деталите за породувањето, а според пишувањата на медиумите сè поминало без проблеми.
Инаку, Жизел има две деца од бракот со Том Брејди, а веста за нивниот развод одекна насекаде. Многумина ја осудија Бразилката за врската со девет години помладиот инструктор за џиу-џицу, а имаше и такви кои го критикуваа фактот дека таа е бремена во петтата деценија.
Манекенката одлично се справуваше со сите коментари таа беше една од најактивните трудници во текот на бременоста, а многумина ја нарекуваа и најубава. Често имавме можност да ја видиме како тренира, но и како ужива на плажа со нејзиниот избраник.
