Францускиот напаѓач Оливие Жиру кој неодамна го напушти Милан се пресели во МЛС лигата сега потврди дека по Европското првенство ќе стави крај и на репрезентативната кариера.

Жиру до оваа сезона три години го носеше дресот на Милан, а со завршувањето на европската кариера ќе ја заврши и кариерата во репрезентацијата.

„Европското првенство ќе биде мојот крај во репрезентацијата на Франција. Очигледно е дека ќе ми недостасува репрезентацијата, но време е да го отстапам местото на помладите“, изјави 37-годишниот напаѓач.

Жиру на 131 натпревар за Франција постигна 57 голови. По Европското првенство тој ќе продолжи со настапите за неговиот клуб, Лос Анџелес ФЦ.