Жените во сенка на традицијата- време ли е за промени?
Под мотото „Борба против сексизмот во Хофбург и државата“, стотици противници на балот се собраа пред главниот универзитет во Виена и маршираа кон Штефансплац, каде што дојде до инциденти.
Во петокот вечерта имаше големи сообраќајни нарушувања во центарот на Виена, поради протестите против „Академскиот бал“ во организација на ФПО во Хофбург. Полицијата претходно најави обемни безбедносни мерки, вклучително забрана за движење на Хелденплац од 17 часот и затворање на Рингштрасе за сообраќај. Возачите се советуваа да го избегнуваат ова подрачје. Во центарот на градот беа планирани неколку собири на демонстранти.
Препорачано
Покрај тоа, организацијата „Офанзива против десницата“ организираше протестен марш кој започнa во 17 часот од Универзитетскиот ринг, преку Хохен Маркт до Штефансплац. Овие активности доведoа до привремени блокади на улиците и пренасочување на сообраќајот. И покрај блокадите, гостите на балот имаа пристап до местото на одржувањето. Јавниот превоз исто така беше засегнат и функционираше со прекини. Во акцијата беа вклучени стотици полицајци од Виена, Долна Австрија и Горна Австрија. Пристапот до Хофбург беше дозволен само со лична проверка, соопшти полицијата. Според организаторот и ФПО советникот Удо Гугенбихлер, балот беше распродаден.
Историски гледано, овие балови често биле проследени со жестоки протести, особено во 2014 година. Протестите се насочени главно против германско-националните студентски здруженија. ФПО Виена ја презеде организацијата на балот по несогласувањата со Хофбург и го преименува во „Академски бал“. Списокот на гости често предизвикува бурни реакции бидејки на балот секогаш присуствувале контроверзни гости. Иако лидерот на ФПО, Херберт Кикл, не присуствуваше, партијата беше силно претставена со претседателот на Националниот совет, Валтер Розенкранц и други ФПО функционери.
Во Хофбург повторно се собраа национални студентски здруженија и десничарски политичари, додека бурните протести ја обележаа ноќта.
Полицијата беше присутна во голем број поради најавените демонстрации и уапси неколку лица поради прекршување на забраната за маскирање. Вкупниот број на демонстранти беше помал во споредба со претходните години.
Аксел Магнус од организацијата „Офанзива против десницата“ истакна дека демонстрациите имаат за цел да ја осудат застарената и конзервативна перспектива за улогата на жените, која се промовира од страна на националистичките студентски здруженија. Тој додаде дека нивната цел е да испратат јасна порака против традиционалниот бал, кој од 1952 година го организираат германско-националистичките студентски групи, а од 2012 година е под покровителство на ФПО Виена.
Освен протестниот марш, се одржаа и неколку статични протести, вклучувајќи еден организиран од „Антифашистичкиот сојуз Балхаусплац“ на Михаелерплац. Mногу од политичките партии изјавија дека овој бал е голем срам за Виена.
