62-годишна жена од Скопје загина откако ја удрил автомобил во населбата Маџари, додека друга жена е тешко повредена во сличен инцидент во Козле, соопшти МВР.

„На 14.10.2022 во 18.15 часот во СВР Скопје било пријавено дека на ул.„Благоја Стефковски” во Скопје, патничко возило „мерцедес” со скопски регистарски ознаки, упраувано од А.М.(34) од с.Батинци, скопско, удрило во пешакот П.Б.(62) од Скопје. Во несреќата со тешки телесни повреди се здобил пешакот, констатирани во Комплексот клиники „Мајка тереза”“, велат од полицијата за случајот со загинатата жена.

Во другата несреќа, зад воланот била германска државјанка.

„На 14.10.2022 во 18.00 часот во СВР Скопје било пријавено дека на крстосница од ул.„Козле” и ул.„Миле Поп Јорданов” во Скопје, патничко возило „пежо 207″ со скопски регистарски ознаки, управувано од А.А.Б.(40) државјанка на С.Р.Германија, со привремен престој во Скопје, удрило во пешакот Ѓ.К.(82 ) од Скопје. Во несреќата Ѓ.К. се здобила со тешки телесни повреди констатирани во Комплексот клиники „Мајка тереза”“, се вели во полицискиот билтен.