Мишел од Калифорнија стана вирална на крајот на минатата година кога на Фејсбук објави видео како ги капе стаoрците во мијалникот за садови, кое го прегледаа повеќе од 350.000 луѓе.

Кога станува збор за домашните миленици, некои луѓе сакаат кученца, некои мачки, додека пак други се одлучуваат за малку понеобични пријатели, како гуштери, игуани, змии..

Меѓутоа, Мишел Рејбон (51) има навистина несекојдневни домашни миленици. Таа чува 50 стаорци.

Уште во 2018 година таа дома ги примила првите неколку стаорци, а денес има цела колонија – 25 женки и 25 мажјаци.

Откако во својот дом ги донела голите стаорци Елвис и Чак, како и два кои биле прекирени со крзно, Луси и Етел, на мајката која има и две деца толку многу ѝ се допаднале што продолжила со нивното вдомување.

„Тие се мои бебиња, не можат да направат ништо погрешно“, објаснила таа.

„Секој од нив си има свој карактер, па така неколку стаорци се истакнуваат повеќе од останатите. Многу се друштвени и кога ќе извадам храна, сите трчаат“, раскажала Мишел.

 

View this post on Instagram

 

A post shared by Varela Net (@varelanetoficial)

Кога нејзините познаници ќе наминат кај неа, често се шокирани со бројот на стаорци кој ќе го сретнат, но Мишел тврди дека нејзините бебиња се воодушевени од пријателите.

„Порано спасував мачки, диви мачки, се грижев за нив и им пронаоѓав постојан дом“, додаде таа. Навистина обожавам животни, заклучи таа за британскиот Мирор.