Ждрепката за Светското првенство ќе се одржи на 5 декември во Центарот „Кенеди“ во Вашингтон, САД, објави американскиот претседател Доналд Трамп.

– Веројатно е најголемиот спортски настан – рече Трамп во Овалната канцеларија до претседателот на ФИФА, Џани Инфантино, држејќи го трофејот од Светското првенство.

На Светското првенство, кое ќе се одржи во САД, Канада и Мексико следната година, ќе учествуваат рекордни 48 репрезентации.

Предвидено е да се одиграат 104 натпревари, а финалето ќе се одржи во Њу Џерси, САД, кој беше домаќин и на Светското клупско првенство оваа година.

Светското првенство ќе се одржува од 11 јуни до 19 јули следната година.