Откако во осминафиналето на Лигата на шампионите се пласираа Баерн Минхен, Борусија Дортмунд, Реал Мадрид, ПСЖ, Бенфика, Феенорд, Клуб Бриж и ПСВ, в петок ќе бидат познати сите двојки.

Најдобрите осум клубови во лигашката фаза на натпреварувањето (Ливерпул, Барселона, Арсенал, Интер, Атлетико Мадрид, Баер Леверкузен, Лил, Астон Вила) претходно обезбедија директен пласман во осминафиналето.

Можни парови се: ПСЖ – Ливерпул или Барселона, Клуб Бриж – Лил или Астон Вила, Реал Мадрид – Атлетико Мадрид или Баер Леверкузен, ПСВ Ајндховен – Арсенал или Интер, Феенорд – Интер или Арсенал, Баерн Минхен – Баер Леверкузен или Атлетико Мадрид, Борусија Дортмунд – Астон Вила или Лил, Бенфика – Барселона или Ливерпул.

Ждрепката за осминафиналето ќе се одржи во Нион. Првите натпревари ќе се играат на 4 и 5 март, а реваншите на 11 и 12 март.