Ждреб за ракометната Суперлига: „Вечното дерби“ помеѓу Вардар и Еурофарм Пелистер уште во првото коло
Денес во просториите на Ракометната федерација на Македонија беа извлечени групите за новата сезона.
Препорачано
-
1
-
2
-
3
Тимот на Вардар за првпат по подолг период не беше помеѓу двата носителите затоа што заврши на третата позиција зад шампионот Еурофарм Пелистер и Алкалоид. Така првиот тим на битолчани и Алкалоид не можеа да бидат во иста група, но затоа Вардар можеше.
На ждребот се случи токму тоа, па затоа следната сезона уште од сега се загарантирани најмалку четири дерби дуели помеѓу лутите ривали Вардар и Еурофарм Пелистер.
Група А: Струга (1), МРК Куманово (2), ГРК Тиквеш (3), Скопје 2020 (4), Алкалоид (5), Еурофарм Пелистер 2 (6), Аеродром (7), ГРК Охрид (8)МРК Куманово
Група Б: Пролет 62 (1), Прилеп (2) Вардар 1961 (3), РК Мулти Есенс (4), Голден Арт (5), Еурофарм Пелистер (6), Бутел Скопје (7), Вардар Неготино (8)
Веднаш по извлекувањето на групите беше направен и ждребот за распоредот, па така првото „вечно дерби“ во Скопје ќе го гледаме уште во првото коло. Датумите и термините за натпреварите дополнително ќе бидат објавени.
1 коло група А
Струга – Охрид
Куманово – Аеродром
Тиквеш – Пелистер 2
Скопје – Алкалоид
1 коло група Б
Вардар – Пелистер
Пролет – Вардар Неготино
Прилеп – Бутел
Мулти Есенс – Голден Арт
