„За жал за Андреј Пленковиќ, нема да има граѓанска војна во Србија“, изјави Ана Брнабиќ, претседателката на српскиот парламент, реагирајќи на денешната изјава на хрватскиот премиер.

„Пленковиќ вели дека Србија е на работ на граѓанска војна. И што друго? Тие толку многу го сакаа тоа и толку многу инвестираа во тоа. Тие знаат дека нивната стратешка цел – Александар Вучиќ да не е на чело на Србија, е единствениот начин да се постигне тоа. За жал за некои, а за голема среќа на Србија и на мнозинството нејзини граѓани, на целиот наш народ, ова ниту е вистина, ниту ќе се случи“, објави Ана Брнабиќ на „Икс“.

Претходно денес, на Бледскиот стратешки форум, Пленковиќ рече дека е скептичен дека Европската Унија ќе се прошири до 2030 година, тврдејќи дека „Северна Македонија е блокирана, Србија е на работ на граѓанска војна, а Босна и Херцеговина е под постојана закана од сецесионизам“.

Пленковиќ: Србија e на работ на граѓанска војна