Зеленски го именуваше новиот украински воен врв: Нови пет команданти ќе бидат дел од тимот на генерал Сирски!
![](https://www.slobodenpecat.mk/wp-content/uploads/2023/07/сирски-1.jpg)
Украинскиот претседател Володимир Зеленски денеска ги објави имињата на пет високи воени функционери, со што го затвори составот на тимот на генерал-полковник Олександр Сирски, новоименуваниот врховен командант на украинската армија.
Одлуката доаѓа откако Зеленски се сретна со воените лидери и владата, каде што ја истакнал важноста „командантите кои се бореле во војната да преземат нови должности“, се вели во извештајот на Ројтерс.
![](https://www.slobodenpecat.mk/wp-content/uploads/2023/06/Олександр-Сирски.jpg)
Новите имиња кои се приклучуваат на врвот на украинската армија се Вадим Сухаревски, Андриј Лебеденко, Володимир Хорбатјук, Олексеј Шевченко и Михаило Драпатиј.
Зеленски посочил дека ќе продолжи со обновата на воениот тим, а Сирски, поранешен командант на копнените сили, беше унапреден во врховен командант во четвртокот, наследувајќи го Валериј Залужни.
![](https://www.slobodenpecat.mk/wp-content/uploads/2024/01/зеленски-залужни.jpg)
Во петокот Зеленски го назначи генерал-мајор Анатолиј Бархилевич за нов началник на Генералштабот, на местото на Серхи Шаптала. Овие промени во военото раководство се дел од пошироките напори за зајакнување и ревитализација на украинската војска.
Според информациите кои ги пренесува „Политико“, клучна причина за смената на Залужни било неговото одбивање да ги исполни препораките на американските советници во врска со летната офанзива на украинската армија.
Оваа офанзива, според изворот, завршила со целосен колапс, што дополнително ги продлабочило несогласувањата меѓу Залужни и Пентагон.
Спорот меѓу врховниот командант и американските воени советници достигна кулминација околу стратегијата за спроведување на офанзивата.
Пентагон ја истакна потребата од силно продирање во одредена насока, според проценките на американските офицери. Меѓутоа, наместо тоа, Киев започна офанзива на неколку фронтови истовремено, верувајќи дека тоа ќе и отежне на руската војска да испрати војници на различни точки.
![](https://www.slobodenpecat.mk/wp-content/uploads/2022/09/Валериј-Залужни.jpg)
„Политико“ тврди дека разговорите меѓу Залужни и Пентагон траеле неколку недели, но станало очигледно дека Украинците не се подготвени да ги прифатат советите на Американците. Ваквиот развој на настаните доведе до одлука на Зеленски да го смени врховниот командант и да го назначи Александар Сирски на клучна позиција.
Во изјавата, Зеленски ја истакна својата посветеност за обнова на тимот, а новите назначувања ја одразуваат неговата стратегија за распоредување искусни воени лидери за зајакнување на способноста на украинските сили во предизвикувачка безбедносно опкружување.