Европа мора да ја заштити сопствената безбедност помагајќи и на Украина да се одбрани од Русија, изјави украинскиот претседател Володимир Зеленски на состанокот на лидерите на Здружените експедициски сили во Лондон преку видео врска во вторникот, повикувајќи ги да испратат повеќе оружје, пишува Ројтерс.

Британскиот премиер Борис Џонсон е домаќин на самитот на нордиските и балтичките лидери на кој ќе се разговара за европската одбрана и безбедност.

„Сите ние сме цел на Русија и сè ќе оди против Европа ако Украина не издржи, затоа би сакал да ве замолам да си помогнете со тоа што ќе ни помогнете“, им рече Зеленски на лидерите.

„Знаете каков вид оружје ни треба… без ваша поддршка би било многу тешко, многу сум благодарен, но сакам да кажам дека ни треба повеќе… Се надевам дека ќе можете да го подобрите тој опсег и ќе видите како ова ќе ја заштити вашата безбедност, вашата безбедност“.