Граѓанската иницијатива која собира потписи да стане политичка партија, „Зелен хуман град“ за попладнево најави прес-конференција на која требаше да го претстават својот кандидат за градоначалник на Скопје, но ја откажа поради, како што велат оттаму, здравствени причини.

Според последното известување, кандидатката за градоначалничка на коалицијата го откажала пресот, а и кандидатурата, поради здравствени причини.

ЗХГ не го соопшти официјално името на кандидатката, само ја опишаа како личност со историја на борба за јавниот интерес и визија за град кој ќе биде дом за сите, а не пазар на бетон и профит за алчното малцинство што три децении ни го уништува градот.

„Оваа кандидатура не е само уште едно име на ливчето. Ова е повик за отпор. Повик за надеж. Повик за град по мерка на луѓето, а не на партиските елити. Ова е продолжување на зелената и хумана трансформација на Скопје што ја започнавме пред четири години“, стоеше во поканата за прес-конференција.