Федерер кон крајот на февруари имаше операција на десното колено, но работите се искомпликуваа и поради тоа ќе мора да биде направен уште еден оперативен зафат.

– Драги навивачи се надевам дека сте безбедни и здрави. Пред неколку недели направив чекор назад во врска со моето опоравување, и поради тоа морам да одам на уште една артроскопска операција на десното колено – изјави Федерер.

Сезоната засега е суспендирана до 31 јули поради коронавирусот, но и доколку турнирите продолжат да се играат, четвртиот тенисер на АТП ранг листата нема намера да се појави на терените. Федерер во 2020 година одигра само еден официјален турнир, Австралија Опен каде испадна во полуфиналето од Новак Ѓоковиќ.

– Планирам да земам доволно време за да бидам 100 проценти подготвен да играм на највисоко ниво. Ќе ми недостигаат навивачите и турнирите и ќе се видиме во 2021 година – изјави Федерер.