Maкедонскиот фудбалер Елиф Елмас се повреди и нема да се врати на терените во 2024 година.

Елмас беше заменет уште во првото полувреме од натпреварот со Летонија во Лигата на Нации, додека во вториот дуел со Фарски Острови воопшто не настапи.

По направените детални прегледи се покажа дека повредата не е наивна и Елмас ќе мора да паузира најмалку шест недели. Тоа значи дека нема да го гледаме на терените оваа година.

За очекување е да биде спремен за натпреварот на Лајпциг против Вердер кој се игра на 12 јануари.

Инаку, селекторот Благоја Милевски на прес-конференцијата пред средбата со Летонија посочи дека Елмас сакал да го игра тој натпревар за Македонија иако не бил најспремен и ризикувал повреда која на крајот и се случи.