Францускиот актер Жерар Депардје, кој се соочи со серија обвинувања за сексуално вознемирување, ќе се појави пред судот во Париз во понеделник, на 24 март.

Нему ќе му се суди за наводното сексуално вознемирување на две жени за време на снимањето на филмот „Зелените ролетни“ (Les Volets Verts) од 2021 година.

Депардје кој денес има 76 години, глумеше во повеќе од 200 филмови и телевизиски серии, а се соочува со обвинение за непримерно однесување кон дваесетина жени, и ова е прв случај за кој му се суди.

Анук Гринберг, познатата актерка која исто така се појавува во филмот, поддржа две од жените кои го тужат Депардје, 54-годишната сценографка и 34-годишната помошничка на режисерот, кои тврдат дека Депардје сексуално ги вознемирувал.