Божиќниот пост започна на 28 ноември и ќе трае 40 дена – до 7 јануари.

Божиќниот пост започнува секоја година на 28 ноември и трае до 7 јануари, односно до Божиќ. Строг пост (на вода) е само во среда и петок, додека маслото и виното се дозволени во понеделник, вторник и четврток, а риба може да се јаде во сабота и недела.

Бидејќи ова е период на нагли промени во начинот на исхрана, нутриционистите советуваат оброците да се планираат однапред, така што дневното мени содржи овошје и природно цедени сокови; салати од свеж или кисела зеленчук, како и јадења од варен, парен или динствуван зеленчук, особено мешунките (грашок, леќа, грав, наут, боранија), кои имаат низок гликемиски индекс, а обезбедуваат доволно енергија за бројни дневни активности.

Особено не е лесен постот на вода, кога покрај избегнувањето на сите намирници од животинско потекло (месо, млеко, јајца…), се забранува и храна која има масло во себе, како и приготвување на јадењата со масло.

Сепак, има многу идеи за посни јадења, како и оние на вода, а „Минут за мене“ предлага посно мени на вода за една недела.

Понеделник

Појадок: сендвич од леб, печена пиперка, свеж кромид, магдонос и оригано

Ручек: супа од зеленчук – варен зеленчук со зачини и печени компири

Вечера: салата од варен зеленчук (варена пченка, свеж кромид, домат, пиперка и зачини).

Вторник

Појадок: качамак (како прилог, по желба додадете свеж или варен зеленчук)

Ручек: варен бел грав (потребни состојки се бел грав, кромид, морков, сува пиперка, брашно, мелена црвена пиперка и сол)

Вечера: мусли од овесна снегулки со овошје и со сок.

Среда

Појадок: посна пита со печурки на вода

Ручек: супа од праз и посно ризото со парчиња соја на вода

Вечера: посен ролат со зеленчук

Четврток

Појадок: леб и мешана салата (грав и свежа пиперка со кисели краставички, кромид и соја сос)

Ручек: супа од домати со посни тестенини; боранија, но без масло, згуснете ја со пасиран компир

Вечера: на парче леб намачкајте домашен џем или мед и како прилог со тоа испијте чај

Петок

Појадок: салата од компири и моркови на вода

Ручек: печурки на вода

Вечера: тортилја на вода и со неа туршија или кисела зелка или печена пиперка

Сабота

Појадок: манастирска пита на вода

Ручек: шпагети со кечап и зеленчук

Вечера: паштета од зеленчук и леб (за паштетата потребни ви се компири, моркови, пашканат, кромид, сенф, лук, вода, сол и зачини по вкус).

Недела

Појадок: кнедли од компири на вода

Ручек: грашок без запршка, згуснат со брашно или со компир

Вечера: колачи со блитва

Секако, секогаш можете да додадете меѓуоброци ако сакате во текот на постот на вода, на пример, за ужина земете свежо или суво овошје, исто така, тука се и брзи деликатеси како овошен компот, житарки со јаткасти плодови или сутлијаш на вода. А дополнителни нијанси на вкус можете да постигнете со додатоци во вид на семки од сончоглед, разни зачини, мелен лен…