Поминаа новогодишните и божиќните празници, православната Нова година и Богојавление, па со заминувањето на празниците заминува и елката од плоштад „Македонија“.

Денеска започна нејзиното демонтирање, а се тргаат и украсите од плоштадот. Дрвените куќички, од кои повеќето останаа затворени и за празниците и натаму стојат на плоштадот.

Минатата година така оставени ја дочекаа пролетта. Како ќе биде годинава и дали Град Скопје повторно ќе ги заборави, а потоа ќе објаснува дека овие куќички всушност не биле новогодишни туку служеле за повеќе намени, останува да видиме.