Заменик-министерот за здравство Асим Муса на прескоференција во Владата ќе ја објасни снимката која ја објави албанска телевизија во која се тврди дека тој договара мито за да се направи операција на албански државјанин кај нас без за да се плати во регуларната процедура.

Од Јавното обвинителство велат дека албанските новинари не го пријавиле случајот во полиција.

Сепак според неофицијалните информации ОЈО веќе презема мерки за да ги провери тврдењата на истражувачките новинари.

Истражувачката емисија „Фикс фаре“ од Албанија вчера објави снимки на кои може да се забележи заменик министерот за здравство, Асим Муса, како прима мито. На објавениот видео-запис можен да се забележи како новинарот, кој во улога на пациент се состанува со Муса, за да договорат операција.

Според снимката на in7.tv, по состанокот на новинарот-пациент со лекарот во Институтот за нефрологија во Струга го одредуваат денот на операцијата, а потоа Муса прифаќа аванс од 50 евра за зафатот кој треба да го изврши.