Карфиолот кај нас најчесто се употребува како дел од зимницата, туршија, руска салата и слично, но овој интересен зеленчук може да се употреби и во многу други рецепти. Овој тип зеленчук се смета за еден од најздравите зеленчуци кои можат да се најдат на пазарите.

Карфиолот може да се приготвува на навистина многу различни начини – карфиол на пареа во комбинација со пробиотски јогурт, во комбинација со ориз, печен карфиол со различни сосови, како подобрувач на текстурата во различни рецепти, свежи салати со карфиол итн.

Пирето не мора секогаш да биде од компири, овој пат пробајте да го направите од карфиол.

Состојки:

– 1 главица карфиол
– 2 чаши вода
– 4 чешниња лук
– 1 лажичка сол
– 1 лажица путер
– млеко по потреба

Подготовка:

Посолете ја водата и варете ја на средна топлина. Кога ќе почне да врие, додајте ги карфиолот искинат на цветчиња, лукот и ловоровиот лист.

Кога карфиолот ќе стане мек, исцедете ја водата и извадете го ловоровиот лист. Додајте го путерот и почекајте да се стопи.

Изгмечете го карфиолот или изматете го со миксер и додајте сол и бибер по желба.

Добар апетит!