Ливерпул уште на самиот старт остана без столбот во одбраната и најдобриот дефанзивец на светот, Вирџил ван Дајк, кој ќе отсуствува цела сезона.

Поради тоа, менаџерот на „црвените“ Јирген Клоп и управата во зимскиот преодек рок ќе мора да донесат замена за одличниот холандски репрезентативец.

Според италијанските медиуми, изборот на Ливерпул е штоперот на Наполи, Калиду Кулибали кој се смета за еден од најдобрите дефанзивци на светот, но обесштетувањето е астрономскo.

За Кулибали изминатото лето се интерсираа и други англиски екипи, Манчестер сити и Челси кои нудеа околу 70 милиони евра, но претседателот на Наполи, Аурелио де Лаурентис бара 90 милиони евра и постои голема можност во јануари идната година да ги добие од Ливерпул.