Ракометарите на Загреб славеа во рамките од 12 коло во групата „А“ од Лигата на шампионите на гостувањето кај Колстад со 34:25 (18:10).

Хрватскиот првак по оваа висока победа во Трондхајм направи важен чекор кон пласман во осминафиналето и сега има три бодови повеќе во однос на норвешкиот шампион, а до крајот на групната фаза има уште две кола.

За Загреб доминираа Моралес и Кос со по пет голови, по четири имаа Сухолежник и Дибиров, а се истакна и голманот Мандиќ со 11 одбрани. На спротивната страна шест погодоци запиша Лисе, а три постигна Сагосен.

Загреб моментно на табелата е на шестото место, последно кое води во осминафиналето, со 12 бодови, додека Колстад остана на девет бодови.

Во следното коло Загреб на домашен терен ќе го пречека ПСЖ, додека Колстад ќе му гостува на Кјелце.