Во еден ден стигна потврда дека двајцата македонски фудбалери, Кире Ристевски и Стефан Спировски го напуштаат Пјуник.

Спировски и Ристевски си заминуваат од клубот откако им истекуваат договорите и во летниот преоден рок како слободни фудбалери ќе побраат нов ангажман. Двајцата исто така заедно пристигнаа во клубот минатото лето и сега заедно си заминуваат.

32-годишниот Ристевски во минатото настапуваше за Пелистер, Елбасан, Билис Балш, Славија Софија, Работнички, Вашаш, Ујпешт и АЕЛ Лимасол. Дресот на македонската репрезентација го носеше на 59 натпревари.

Спировски исто така настапуваше за повеќе клубови како: АЕК Ларнака, Борац Чачак, Хапоeл Тел Авив, МТК, Мариупол, Бероа, Пелистер, Работнички и Вардар. За разлика од Ристевски, фудбалерот од средниот ред за националниот тим собра четири настапи помалку.