Големата трагедија која денеска го потресе фудбалскиот свет, во која животот го загуби напаѓачот на Ливерпул, Диого Жота, го одзеде и животот на неговиот брат, Андре кој исто така беше фудбалер, а некогаѓ важеше и за голема надеж на португалскиот фудбал.

Како што објавија шпанските медиуми, браќата Жота страдаа во сообраќајна несреќа откако нивното возило излетало од патот и се запалило, кога брзата помош пристигнала на местото на несреќата можела само да констатира смрт.

Андре Силва, кој имаше 25 години, во последниот период настапуваше за португалскиот второлигаш Пенафиел. Неговата кариера започна во младинската школа на Порто, каде што заедно со Диого Жота настапуваа во младинските категории. Иако важеше за голем потенцијал, Андре не успеа да го достигне врвот како неговиот три години постар брат.

Во својата досегашна кариера играше и за Гондомар, а во Пенафиел пристигна во 2023 година, каде што имаше активен договор до 2026 година.

Наспроти него, Диого Жота изгради многу поголема кариера и стигна до дресот на португалската репрезентација, за која одигра 49 натпревари и постигна 14 голови.

ВИДЕО | Прва снимка од местото на несреќата каде што загина Жота