Полицијата се враќа во италијанските болници, откако во изминатите месеци зачестиле случаите на физички напади врз лекари, соопшти италијанскиот министер за внатрешни работи Матео Пјантедоси.

Ова е првпат по децении да биде дозволено полицијата да биде распоредена во италијанските болници. Во 20-от век, во неколку наврати имало постојани полициски екипи во некои поголеми болнички центри и во пофреквентни соби за итни случаи. Сè почестите напади врз лекарите и болничарите, особено од ужалените роднини, често придружени со вандализам во здравствените објекти, ги наведоа властите да ги вратат униформираните и вооружени полицајци во болниците. Според министерот, нивното присуство треба да ги одвраќа потенцијалните насилници.

Пиантедоси најави дека ќе започне од главниот град Рим и постепено ќе продолжи во другите поголеми градови. Судејќи според пишувањата на медиумите, Неапол и Палермо предничат во насилните напади врз медицинскиот и парамедицинскиот персонал, „фрлајќи го“ Рим на третото место, но инциденти од овој тип не недостигаат и во другите поголеми италијански градови.

Во Рим, болниците и многу амбуланти (структури од типот на здравствени домови, со неколку специјализирани амбуланти и најмногу со лабораторија) имаат најмалку еден вооружен чувар, обично веќе на портата. Сепак, овластувањата на чуварите се значително помали од оние на полицијата. Згора на тоа, и тие знаеле да бидат сериозни жртви на нападите не толку од луди зависници, туку од гневни роднини, убедени дека тој има право да бара и да ја наметне својата „херојска правда“.