Верувалe или не, постои караоке песна која, статистички, е најсмртоносната караоке песна, пишува „ЛедБајбл“.

А, за која песна станува збор? Една од најпопуларните песни на сите времиња – „My Way“ на Френк Синатра.

Оваа балада од 1960 година предизвикала неверојатно мрачен феномен. Во текот на изминатите неколку децении, имало голем број инциденти поврзани со таа песна на Филипините. Од 1998 година, се верува дека десетина луѓе ги загубиле животите на песната „My Way“.

Еден од инцидентите се случил во 2007 година, кога 29-годишниот Роми Балигула бил убиен од 43-годишниот чувар Робилито Ортега во бар во Сан Матео. Наводно, Балигула бил на половина од песната, кога се вмешал чуварот и му рекол да престане бидејќи пее неконтролирано. Но, откако ги одбил строгите наредби, тој продолжил да ја пее песната, што го натерало чуварот да извади револвер и да го застрела човекот директно во градите.

Насилството станало толку раширено што некои барови дури и ја отстраниле песната од нивните караоке машини, бидејќи стравувале дека тоа може да предизвика дополнителни проблеми.

Иако имало мало затишје кога станува збор за инцидентите, во 2018 година еден повозрасен човек бил трагично избоден со нож на роденденска забава. Тој се обидел да ја отпее песната, но бил спречен од друг маж и завршил со нож во градите.

Размислувајќи за овој мрачен феномен, поткастерот Мистер Бален објасни: „Има една песна на Филипините, за која се знае дека не се пее. Всушност, оваа песна често е забранета во повеќето караоке барови, па дури и кога не е забранета, никој не ја пее. А причината поради која оваа песна е забранета е затоа што од 1998 година, луѓето кои ја пееле биле убивани“.

Според него, оваа песна има силна машка енергија, која ги предизвикува луѓето да се однесуваат насилно.