Гастроентеролозите велат дека овошјето може да се јаде на празен стомак, но изборот зависи од здравствената состојба на секој поединец. Така, ако имате проблеми со желудочна киселина, денот никако не треба да го започнете со портокал или друго цитрусно овошје, пишува Е-клиника.

Овошје богато со растителни влакна е најдобриот избор за утро – дава енергија, ја подобрува дигестијата и помага во хидратацијата. Најчесто се препорачуваат овошја кои се лесни за варење, богати со вода и не предизвикуваат нагло зголемување на киселоста во желудникот.

Најдобар избор според стручњаците:

Јаболки – благи за желудникот, богати со влакна, даваат чувство на ситост и постепено ослободуваат енергија.

Круши – слични на јаболките, лесни за варење и богати со влакна.

Лубеница – освежува и хидрира, особено погодна во летните месеци.

Грозје – брзо дава енергија, но треба умерено да се консумира поради природните шеќери.

Цитруси (портокал, мандарина, грејпфрут) – добар избор само за луѓе без проблеми со желудникот, бидејќи кај чувствителни лица можат да предизвикаат зголемена киселина.

Банана – брз извор на енергија, но кај луѓе со чувствителен желудник може да предизвика непријатност.