Целосно автономни камиони, без сигурносни возачи, би можеле да бидат на американските патишта во следните пет години, изјави на Светскиот економски форум извршниот директор на групацијата Волво, Ларс Стенквист.

Членот на извршниот одбор на шведскиот производител на камиони и извршен потпретседател за технологија за камиони Стеквист рече дека САД се приближуваат поблиску од другите кога станува збор за експериментирање и тестирање на автономни возила. Волво веќе има распоредено автономни камиони во некои индустрии, како што е рударството, каде што ограничените простори може да бидат поедноставни од безбедносна перспектива, пренесува порталот Каматица.

„Пазарот кој ќе оди прв е САД. Има голем интерес таму. Она што сега го правиме е да се развиваме за масовно производство, целиме кон големи количини и имаме за цел да се ослободиме од безбедносното активирање за неколку години“, изјави Стенквист за Вол Стрит Журнал.

Во моментов, неколку автономни возила се тестираат на двете страни на Атлантикот во реални ситуации, како возење на автопат, но тие инсистираат, рече тој, на безбедноста на возачот. Првите правци што ќе се возат со автономни камиони ќе бидат едноставни, објасни Стинквист. Тексас особено, рече тој, стана клучен полигон за тестирање за индустријата, делумно поради временските услови.