Десетгодишно момче се удави во градскиот базен во Оџаци кај Сомбор во неделата, а само еден ден претходно, две момчиња се уадвија во каналот Дунав-Тиса-Дунав (ДТД) кај Фекетиќ, пренесуваат медиумите во Војводина.

Телото на десетгодишно момче без знаци на живот било пронајдено во неделата околу 22.20 часот на дното на градскиот базен во Оџаци. Медиумите јавуваат дека осумгодишното момче го турнало повреденото момче во вода и дека за време на несреќата биле сами на базенот.

Телото е пронајдено откако таткото на сега веќе починатото дете околу 22 часот пријавил во полиција дека неговиот син е исчезнат.

Ден претходно момчиња на возраст од 14 и 16 години се удавија во каналот ДТД кај селото Фекетиќ. Според претходните информации од локалните медиуми, станува збор за непливачи кои се капеле во каналот.