Мексиканскиот конгрес синоќа ги ислуша истражувачите кои претставија автентичен збир од перуански мумии со три прста неодамна доставени како потенцијален доказ за нечовечки форми на живот, додека одбија да потврдат дека остатоците се вонземски, пренесува Ројтерс.

Законодавците претходно го ислушаа мексиканскиот новинар и ентузијаст за НЛО, Хаиме Маусан на 13 септември, кога тој презентираше два примероци на првиот од ваков вид конгресен настан за НЛО. Маусан рече дека телата, за кои се верува дека се пронајдени во близина на древните линии на Наска во Перу, не се поврзани со никаков живот на Земјата.

На синоќешната седница, Маусан беше повеќе фокусиран на докажување дека телата, кои овојпат не беа изложени, не се лажни, воведувајќи низа лекари кои рекле дека телата се вистински и се на некогаш живи организми. Сепак, тој остави простор за прашања за нивното потекло.

„Ниту еден од научниците не вели дека резултатите од студијата докажуваат дека се вонземјани, но јас одам понатаму“, рече тој, сугерирајќи дека тие би можеле да бидат доказ за неземни форми на живот.

Антропологот Роџер Зунига од Националниот универзитет Сан Луис Гонзага во Ика Перу рече дека истражувачите проучувале пет слични примероци во текот на четири години.

„Тие се вистински. Нема апсолутно никаква човечка интервенција во физичкото и биолошкото формирање на овие суштества“, изјави Зунига за Ројтерс на маргините на седницата.

Зунига презентираше писмо потпишано од 11 истражувачи од универзитетот во кое го изјавуваат истото. Во писмото, сепак, јасно е наведено дека тие не имплицираат дека телата се „вонземски“.

Првата презентација на Маусан беше критикувана од многу експерти кои ја отфрлија како трик кој долго време бил разоткриен од научната заедница, укажувајќи на студии за слични остатоци кои заклучија дека примероците се модифицирани со помош на животински и човечки коски.

На прашањето за тие студии, Зунига рече дека примероците веројатно биле лажни. Телата што тој и другите универзитетски истражувачи ги погледнале, сепак, биле вистински, рече тој.

Конгресменот Серџо Гутиерез, од владејачката партија Морена на претседателот Андрес Мануел Лопез Обрадор, повика на реформа на законот во Мексико за да се објават сите информации за НЛО.

Сесијата во вторникот, на моменти, се претвори во поекстремно објаснување. Аргентинскиот хирург Селестино Адолфо Пиото верува дека, по прегледувањето на резултатите од тестовите и сликите на телата, тие се еволуирана верзија на денешните човечки суштества, нарекувајќи ги „наши потомци“.

Приказни за мали зелени и летечки чинии го приближија Конгресот до Зоната на самракот

ВИДЕО | Кукли претставени како „вонземјани“ пред мексиканските конгресмени