Ига Швјотек е најдобрата тенисерка на светот и моментно има 10,835 поени на првото место на ВТА ранг листата.

Полската тенисерка ја зголеми разликата на врвот, на втората позиција е Арина Сабаленка од Белорусија со 8,045 поени.

Швјонтек во Мајами беше поразена од Јекатерина Александрова, а Сабаленка испушти 150 поени во однос на минатата листа, па разликата се зголеми на 2,790 поени.

На третото место се наоѓа Американката Коко Гоф со 7,205 поени. Јелена Рибакина, финалистката во Мајами, се зацврсти на четвртата позиција со 5,848 поени, додека Џесика Пегула е на петтото место со 4,860.

Од македонските тенисерки, Лина Ѓорческа напредуваше за 14 позиции и сега е на 225 место со 336 поени, додека Магдалена Стоилковска скокна за 86 места и е моментно на 1125 позиција со 12 поени.