Воздухопловните сили на САД превентивно бомбардираа голем број упоришта на Исламската држава
Воздухопловните сили на САД превентивно бомбардираа голем број упоришта на Исламската држава (ИД), соопшти денеска Централната команда на САД.
Препорачано
-
1
-
2
-
3
Како што пренесе Бета, околу 900 американски војници се распоредени во источна Сирија со Сириските демократски сили поддржани од САД, предводени од Курдите.
Американската војска соопшти дека нападите биле извршени вчера и оти ќе ја намалат способноста на Исламската држава да планира, организира и извршува напади врз САД, нивните сојузници и партнери, како и врз цивилите низ регионот и пошироко.
Се наведува дека проценката на штетата е во тек и оти нема цивилни жртви.
На врвот на својата моќ во 2014 година, Исламската држава прогласи „калифат“ во големи делови од Ирак и Сирија, но во 2017 година беше поразена во Ирак, а во март 2019 година го загуби и последниот дел од источна Сирија што го држеше.
И покрај тој пораз, нападите на „заспаните ќелии“ на ИД во Ирак и Сирија се во пораст во последниве години, со десетици убиени или ранети луѓе.
