Возач на автомобил „фиат“ удрил во тротинет и избегал, иако мажот кој управувал со тротинетот се здобил со тешки телесни повреди. Но, додека траел увидот, на местото на несрeќата дошол братот на возачот што избегал и  пријавил кој го возел автомолот, а полицијата подоцна го пронашла.

Несреќата била пријавена денеска во 11.53 часот во СВР Скопје, а се случила на улица „Менделеева“ во Скопје.

-Во несреќата учествувале патничко возило „фиат“ со скопски регистарски таблици, управувано од С.А. (33) од Скопје и електричен тротинет, управуван од С.К. (28) од Скопје. По несреќата, С.А. со возилото го напуштил местото на настанот, а С.К. со возило на Итна медицинска помош е пренесен во КЦ „Мајка Тереза“, каде му се констатирани тешки телесни повреди. Додека траел увидот од страна на полициски службеници од СВР Скопје, на местото на настанот дошол А.А. со возилото “фиат” и појаснил дека возилото во моментот на несреќата го управувал неговиот брат С.А.. Подоцна С.А. е пронајден, известен е јавен обвинител и по негови насоки возилото е одземено за технички преглед, а против С.А. ќе биде поднесена соодветна пријава – соопшти МВР.