Автомобил „Нисан“, возен од Американец со привремен престој во земјава, вчера се судрил со мотор „БМВ“ во скопското село Бардовци, при што е тешко повреден 26-годишниот мотоциклист, велат од МВР.

„На 03.08.2025 во 18:40 часот во СВР Скопје било пријавено дека на крстосницата од ул.„2“ и сервисна улица во с.Бардовци, скопско, се случила сообраќајна несреќа помеѓу патничко возило „нисан кашкаи“ со скопски регистарски ознаки, управувано од К.М.В.(36) од САД, со привремен престој во Скопје и мотоцикл „бмв“ со скопски регистарски ознаки, управуван од Д.А.(26) од Скопје. Во несреќата со тешки телесни повреди се здобил Д.А., констатирани во приватна болница во Скопје. Извршен бил увид од увидна екипа од СВР Скопје“, пишува во полицискиот билтен.