Репрезентативецот на Македонија, Бојан Миовски ја продолжи одличната форма и беше стрелец на два гола во шкотскиот Куп против Бонириг Роус.

Претходно во краток период Миовски стрелаше и против гигантите Ренџерс и Селтик. По натпреварот новиот стратег на Абердин, легендарниот Нил Ворнок имаше големи пофалби за македонскиот напаѓач.

„Верувале или не, му кажав да постигне неколку гола и да излезе на полувреме. Кога ги постигна головите си намигнавме и одлучивме дкеа е доволно. Миовски е еден врве напаѓач и тоа го докажува во секој натпревар. Низ кариерата сум имал многу проблеми со напаѓачите, иронично е што дури во оваа фаза го добив најдобриот напаѓач кој сум го тренирал“, изјави Ворнок.

Сезонава Миовски на 36 натпревари за Абердин постигна 22 гола и подели четири асистенции.

ВИДЕО: Бојан Миовски со два гола за Абердин и четвртфинале во шкотскиот Куп