Во вонредното издание на Митови и факти, посветено на реакциите поврзани со катастрофалната трагедија во Кочани, каде животот го загубија 59 лица, а повеќе од 150 се полесно и потешко повредени, гостуваат Аника Ралева и Анастасија Митревска, претставнички на граѓанската иницијатива „Кој е следен“.

ПОГЛЕДНЕТЕ ГО ВИДЕО ПОТКАСТОТ: ⬇️

Оваа иницијатива стоеше зад протестите коишто непосредно по трагедијата почнаа да се одржуваат во Македонија. Аника и Анастасија тврдат дека нивната иницијатива е неформална и дека самите се финансираат. Двете се децидни дека политика не ги интересира и дека немаат никаква поврзаност со ниту една политичка партија или невладина организација.

Тие се млади, амбициозни и како што самите велат, сакаат да живеат во поубава и побезбедна Македонија.