Владата на Нов Зеланд прогласи вонредна состојба на територијата на целиот архипелаг поради бурата „Габриел“.

Според надлежните власти „Габриел“ е метеоролошки настан без преседан кој на Северниот остров во земјата донесе пороен дожд и силен ветер со брзина од 140 километри на час.

На некои места е прекинато напојувањето со електрична енергија, има одрони, паднати дрвја и куќи. Некои жители се целосно отсечени од светот поради лизгање на земјиштето или поплави.

Според новозеландскиот премиер Крис Хипкинс, сè уште е рано да се каже колку луѓе се погодени од катастрофата и степенот на штетата, но таа веќе се опишува како огромна во северниот дел на земјата.

ВИДЕО | Продолжуваат смртоносните поплави во Нов Зеланд