Воената хунта на Мјанмар се појави на местото на притворената поранешна лидерка Аунг Сан Су Чи пред највисокиот суд на ОН, каде што се обиде да го отфрли случајот во кој се тврди дека извршила геноцид врз малцинството Рохинџа во земјата, пишува Гардијан.

Одлуката да и се дозволи на хунтата да ја претставува земјата пред судот, откако минатата година ја презеде власта со државен удар, беше силно критикувана од групите за застапување, како и од поранешниот специјален известувач на ОН, кој предупреди дека одложувањето на правдата е ризично.

Тврдењето дека војската на Мјанмар извршила геноцид беше изнесено до Меѓународниот суд на правдата (МСП) од Гамбија по бруталната воена акција во 2017 година, која принуди околу 700.000 Рохинџи да избегаат преку границата во соседен Бангладеш. Оттогаш, истражителите на ОН тврдат дека операциите на војската биле извршени со „геноцидна намера“.

Претходно, Аунг Сан Су Чи отпатува до судот за да го брани Мјанмар од тврдењата дека војската извршила масовни убиства, силувања и уништување на муслиманската заедница Рохинџа. Таа сега е задржана во притвор по налог на војската, која ја презеде власта во февруари 2021 година и ја обвини за голем број прекршоци.

Уште едно обвинение за корупција против поранешната лидерка на Мјанмар Аунг Сан Су Чи

Јанги Ли, поранешен специјален известувач на ОН за човекови права во Мјанмар, сослушувањата ги нарече срамни.

„Судот наместо тоа треба да го признае авторитетот на НУГ, формално да ги отфрли приговорите и брзо да се справи со фактичката суштина на случајот, злосторствата врз народот Рохинџа“.

Адвокатите на хунтата истакнаа неколку приговори, вклучително и тврдењата дека Гамбија делува како „застапник“ на Организацијата за исламска соработка и затоа нема право бидејќи МСП одлучува само за спорови меѓу државите.