Израелската армија денеска соопшти дека извршила голем напад врз центрите на Хамас во Газа. Израелските одбранбени сили и израелските воздухопловни сили ја потврдија операцијата, јавува Би-Би-Си. Хамас, пак, продолжи со големите ракетни напади врз Израел од Појасот Газа. Беа погодени два бегалски кампа во Газа, неколкумина беа повредени и убиени. Два бегалски кампа беа погодени од израелски воздушни напади во Газа, соопшти денеска Министерството за надворешни работи на палестинската управа. Наводно биле нападнати камповите Ал Шати и Џабалија, а неколку луѓе биле повредени или убиени, јавува Би-Би-Си. Постојат осум признати бегалски кампови во густо населениот Појас Газа. Бројот на загинати во израелските напади врз Појасот Газа и Западниот Брег од саботата се искачи на 508, додека 2.800 луѓе се ранети, соопшти денеска палестинското Министерство за здравство. Министерството соопшти дека во воздушните напади во Појасот Газа загинале 493 лица, а ранети се 2.751 лице, од кои 91 дете и 61 жена, додека бројот на жртвите на Западниот Брег достигна 15, од кои двајца малолетници, а околу 80 лица се ранети, објави WAFA.

Израелскиот министер за енергетика Израел Кац нареди „веднаш“ да се прекине водоснабдувањето на Појасот Газа. Наредбата на Кац уследи откако министерот за одбрана Јоав Галант нареди „целосна опсада“ на Појасот Газа. Појасот Газа добива 10 отсто годишно вода од Израел.

Американската влада потврди дека девет нивни државјани се убиени во Израел. Во соопштението, Белата куќа вели: „Го изразуваме нашето најдлабоко сочувство до жртвите и до семејствата на сите погодени, а на повредените им посакуваме брзо закрепнување. „Продолжуваме внимателно да ја следиме ситуацијата и остануваме во контакт со нашите израелски партнери, особено со локалните власти.

Се појавија нови снимки на кои се гледа моментот кога милитантите на Хамас со параглајдер пристигнаа на фестивалот во јужен Израел. Спасувачите рекоа дека на местото каде што се одржувал фестивалот пронашле 260 тела. Првиот напад започнал токму за време на фестивалот, каде пристигнале многу млади луѓе, а околу 30 лица се сметаат за исчезнати. На снимката се гледаат млади луѓе како танцуваат, додека во позадина се гледаат параглајдеристи кои го напаѓаат просторот на фестивалот. Масакрот набрзо започнува, а младите панично бегаат додека припадниците на Хамас пукаат во нив.

Поради конфликтот што ескалира на Блискиот Исток изминатиот викенд, приврзаниците на Израел и Палестинците одржаа посебни митинзи во неколку американски градови во неделата. Во Њујорк дојде до судир меѓу ривалските демонстранти во близина на седиштето на Обединетите нации на Ист Ривер, откако поголема група палестински приврзаници се собраа на Тајмс Сквер.

Pro-Israel and Pro-Palestine supporters facing each other at the Times Square, New York City.#Palestine #Israel #IsraelPalestineWar pic.twitter.com/LW9zfmqlt8

— Globe Eye News (@GlobeEyeNews) October 9, 2023

Израелската војска соопшти дека започнала „обемен“ напад врз центрите на Хамас во Газа. И израелските одбранбени сили и израелските воздухопловни сили соопштија за операцијата на социјалните мрежи. Тоа се случува во моментот кога Хамас продолжува со голем ракетен напад врз Израел од Појасот Газа. Портпарол на Хамас претходно соопшти дека во израелските воздушни напади во текот на ноќта и утринава во Газа загинале четворица заложници кои ги држеле милитантите на Хамас. Не се знае точно колку луѓе се во заробеништво на Хамас, кои биле киднапирани во Израел, а израелската војска утринава соопшти дека станува збор за „десетици“.

Израелскиот министер за одбрана Јоав Галан денеска изјави дека наредил „целосна опсада“ на Појасот Газа, како дел од израелската борба против милитантната група Хамас. -Наредив целосна опсада на Појасот Газа. Нема да има струја, храна, гориво, сè е затворено, рече Галан, според израелските медиуми. Тој посочи дека Израел се бори против, како што наведе, „животни во човечки облик“ и постапува соодветно.

Сирени за тревога за ракетни напади се слушаат во Ерусалим, Тел Авив и други градови во Израел, јави ДПА. Засега нема информации за евентуални жртви или материјална штета. Израелската телевизија објави дека денеска ракета погодила отворена област во близина на Тел Авив. Палестинските милитанти истрелаа илјадници ракети врз Израел од саботата. Повеќето од нив беа насочени кон пограничните градови со Појасот Газа

Израел мобилизира околу 300.000 резервисти како одговор на големиот напад на милитантите на Хамас, потврди армискиот портпарол, пренесе ДПА. Армијата го опиша повикот за мобилизација како најголем во израелската историја направен во толку краток временски период. Хамас, радикалното движење кое го контролира Појасот Газа, во саботата почна ненадеен, повеќестран напад врз Израел, при што досега во него загинаа над 1.000 лица. Истовремено, во Израел постои огромна загриженост за судбината на над 100 Евреи кои се киднапирани и одведени во Појасот Газа, пренесува ДПА. Израел вчера прогласи воена состојба и одговори со контранапади врз Газа, во кои досега загинаа околу 500 Палестинци. Неколку илјади лица се повредени на двете страни од судирот.

Портпаролот на Кремљ Дмитриј Песков изјави дека Москва е „екстремно загрижена“ за ситуацијата во Израел. Тој кажа дека настаните во оваа земја претставуваат „голема опасност“ за поширокиот регион на Блискиот Исток и дека ситуацијата лесно може да ескалира. Руската амбасада нема информации за тоа колку руски државјани во Израел можеби биле повредени или убиени по упадот на Хамас, додаде портпаролот на Кремљ. На прашањето дали настаните во Израел можат да влијаат на руските операции во Украина, Песков рече дека тоа се „две сосема различни работи“

Поранешната канцеларка на Германија Ангела Меркел најостро го осуди нападот против Израел од страна на исламистичка група Хамас, јави ДПА. -Најостро ги осудувам терористичките напади на Хамас против државата Израел. Моите мисли и солидарност се со израелскиот народ и владата на премиерот Бенјамин Нетанјаху, изјави денеска Меркел. Актуелниот канцелар на Германија, Олаф Шолц, вчера во телефонски разговор со Нетанјаху вети поддршка од Германија. Дополнително, Владата на Шолц најави дека Германија ќе ја преиспита хуманитарната помош за Палестинците.

Министерот за финансии на Израел, лидер на екстремно десничарската партија Верски ционизам, Безалел Смотрич, ги повика премиерот Бенјамин Нетанјаху и пратеникот од опозицијата Бени Ганц, поранешен началник на Генералштабот и министер за одбрана, веднаш да формираат влада на национално единство за справување со војната против Хамас. На повикот му претходеше синоќешното телевизиско обраќање на Ганц, во кое тој изјави дека во саботата му рекол на премиерот дека ќе се приклучи на владата „со намера да формира воен кабинет кој ќе управува со борбениот фронт против Газа и другите фронтови“.

Ненадејниот напад на палестинската група Хамас врз Израел во саботата и одмаздата на Израел досега убиле над 1.100 луѓе и го фокусираа вниманието на исламистичката група поддржана од Иран, пишува Ројтерс. Американскиот државен секретар Ентони Блинкен во неделата изјави дека Иран сè уште не може да потроши ниту еден долар од 6 милијарди долари средства што беа одмрзнати во размената на американско-ирански затвореници во септември. Блинкен, исто така, рече дека „сè уште не видел докази дека Иран го режираше или стои зад овој конкретен напад, но сигурно има долга врска“.

Деветмината туристи од Велес кои се затекнаа во Тел Авив за време на нападите од Хамас врз Израел безбедно се вратени во Македонија, велат од МНР. Македонските туристи вчера беа прифатени на специјалниот лет на Владата на Албанија до Тирана, по што во организација на македонското Министерство за надворешни работи со организиран транспорт се префрлени во земјава. Претходно седум македонски државјани, туристи кои беа затечени во Витлеем, успешно ја поминале границата со Јордан, кадешто биле прифатени од почесната конзулка на Македонија, се наоѓаат на безбедно и во наредните денови се очекува нивно упатување кон дома.

Палестинското Министерство за здравство во Појасот Газа, кое го води Хамас, денеска објави дека 493 Палестинци биле убиени, а 2.300 биле ранети во малата, густо населена енклава. Израелската Армија тврдеше дека убила стотици „палестински терористи“ на израелска територија. Во Израел, медиумите, повикувајќи се на спасувачките служби, синоќа објавија дека се убиени најмалку 700 луѓе, меѓу кои 73 војници. Хамас денеска објави дека сака „да ги ослободи сите палестински затвореници и да стави крај на израелските провокации на окупираниот Западен Брег и во Ерусалим, особено во џамијата Ал Акса“. Портпаролот на Хамас, Абдел-Латиф ал-Кануах, во телефонско интервју за АП изјави дека членовите на Хамас сè уште се борат со израелските сили и дека утрово заробиле повеќе Израелци, откако синоќа соопшти дека повеќе од 130 луѓе биле однесени во Газа, пренесе Бета.

Портпаролот на израелската армија, Даниел Хагари, денеска соопшти дека во моментов веќе нема борби на територијата на Израел и дека израелските сили ги контролираат сите населени места, пренесува Гардијан. Воениот портпарол, меѓутоа, не ја исклучи можноста на територијата на Израел да има, да се кријат, повеќе милитанти на Хамас.

Стотици изненадени Израелци вчера ја контактирале полицијата со надеж дека ќе ја откријат судбината на најблиските кои исчезнале во текот на немирите во Појасот Газа, пишува Ројтерс. Покрај стотиците загинати, во Газа биле однесени и околу стотина луѓе.

Шефот на либанската дипломатија, Абдалах Бухабиб, денеска изјави дека неговата влада добила гаранции од Хезболах дека нема да се вклучи во борбите меѓу Израел и палестинскиот Хамас доколку Израел не го малтретира Либан. Хезболах вчераутро истрела минофрлачки гранати врз позициите на израелската војска на границата со Либан, во време кога борбите на југот на Израел беа во тек, јави „Тајмс оф Израел“. Либанската терористичка група, која е поддржана од Иран, тврди дека истрелала десетици ракети и гранати врз три израелски позиции во спорниот регион Маунт Дов во знак на солидарност со Хамас.

Израелскиот фудбалски тренер Алон Шамли во помладите категории на Хапоел Тел Авив e убиен во напад во Египет. Информациите велат дека полицаец отворил оган врз израелски туристи. Шамли, кој беше меѓу туристите, за жал не го преживеа нападот. Мотивите зад пукањето остануваат нејасни, а израелското Министерство за надворешни работи моментално води интензивна истрага за трагичниот инцидент. Веста за смртта на Шамли ја соопшти Хапоел Тел Авив, клубот во чија младинска школа работеше.

Гласот на снимката е мирен и прецизен бидејќи ја пренесува пораката на ужасот. – Во светлината на континуираните злосторства врз нашиот народ и во светлината на окупацијата и негирањето на меѓународните закони и резолуции, како и во светлината на американската и западната поддршка, решивме да ставиме крај на сето ова, за непријателот да разбере дека не може повеќе да ужива без да одговара – се слуша во краток аудио клип. Гласот што се слуша на видеото, објавено неколку часа по нападот врз Израел, наводно му припаѓа на Мохамед Деиф, командант на военото крило на палестинската милитантна група Хамас и организатор на диверзантскиот упад. За време на масовниот напад, најмалку 700 луѓе во Израел беа убиени, а повеќе од 2.000 беа повредени. Нападот ја подигна на брутално и непредвидливо ниво повеќе децениската кампања на Хамас против еврејската држава. Додека се емитуваше пораката, стотици борци на Хамас ја пробија граничната ограда меѓу Појасот Газа и израелската територија, раширувајќи се низ јужен Израел со подршкан на илјадници ракети.

Државниот секретар Ентони Блинкен ги негираше тврдењата дека парите што неодамна беа одмрзнати за Иран биле пренасочени како помош за ненадејните напади на Хамас во Израел, забележувајќи дека тие пари се уште не се потрошени и дека можат да се употребат само во хуманитарни цели. -Ниту еден долар од таа сметка всушност се уште не е потрошен, изјави Блинкен синоќа за телевизијата Еј-Би-Си. „Како и да било, тие се грижливо и тесно регулирани од Министерството за финансии за да се осигура дека се употребени само за храна, за лекови и лекарска опрема“, додаде тој. Портпаролот на Хамас, милтантната група која стои зад нападите, ијзави дека за да се изведе нападот тие примиле директна помош од Иран. Блинкен го осуди Иран за неговото постојана подршка за Хамас, истакнувајќи дека Иран се уште не ги употребил парите што неодамна станаа достапни. Администрацијата на Бајден минатиот месец го извести Конгресот дека на банките ќе им биде дозволено да извршат трансфер на шест милијарди долари замрзнати ирански пари како дел од договор за размена на пет американски државјани кои беа во заточеништво во Иран со пет ирански државјани задржани од САД. Според договорот, парите беа префрлени од Јужна Кореја до Катар и можат да бидат употребени само за хуманитарни цели. Јужна Кореја ги има овие средства откако администрацијата на Доналд Трамп во 2018 година дозволи таа да купи нафта од Техеран. Но исплатата беше замрзната откако во 2019 година САД ги затегнаа санкциите против Иран.

Украинскиот претседател Володимир Зеленски вчера изрази солидарност со Израел во телефонски разговор со израелскиот премиер Бенјамин Нетанјаху. - Разговарав со Нетанјаху за да ја потврдам солидарноста на Украина со Израел, кој страда од дрзок напад од големи размери, и да изразам сочувство за повеќекратните жртви, соопшти Зеленски на социјалните мрежи. Зеленски направи споредба меѓу Израел и војната во Украина, наведувајќи дека „правото на Израел на самоодбрана е несомнено“. Тој рече дека неговата влада формирала оперативен штаб за да им помогне на сите Украинци во Израел. Официјални лица проценуваат дека околу 15.000 украински бегалци избегале во Израел. Иако испрати тони хуманитарна помош, Нетанјаху постојано одбиваше да го снабдува Киев со оружје.

Функционер на египетското разузнавање изјави дека Египет, земја која често дејствувала како посредник меѓу Израел и Хамас, неколку пати разговарала за „нешто големо“ со Израелците, пишува „Тајмс оф Израел“. Тој вели дека израелските власти биле фокусирани на Западниот Брег и ја игнорирале заканата од Газа. Владата на Нетанјаху е составена од поддржувачи на еврејските доселеници од Западниот Брег, кои побараа безбедносни мерки соочени со растечкиот бран на насилство таму во последните 18 месеци. - Ги предупредивме дека доаѓа експлозија на ситуацијата, и тоа многу брзо, и дека ќе биде голема. Но тие ги потценија таквите предупредувања, вели функционерот, кој сакал да остане анонимен бидејќи не е овластен да зборува за медиумите за содржината на чувствителните разузнавачки дискусии. Египет стана првата арапска земја што склучи мир со Израел во 1979 година, но политиката на Израел кон Палестинците го прави непопуларен кај многу Египќани. Полицаец вчера уби двајца израелски туристи и нивниот водич во египетскиот град Александрија.

Преносот во живо на Би-Би-Си од Газа на новинарот Ружди Абу Алуф синоќа бил прекинат кога се слушнала силна експлозија.

An explosion in Gaza near BBC’s @Rushdibbc when he was live on air. pic.twitter.com/fgALNkdR6P

— Parham Ghobadi (@BBCParham) October 8, 2023

Израелската централна банка (Bank of Israel) денеска соопшти дека ќе продаде до 30 милијарди долари на отворен пазар за да ја стабилизира националната валута во услови на воен конфликт со палестинското движење „Хамас“. Ова е прва продажба на девизи во историјата на институцијата. Изгледа дека одлуката брзо го смири пазарот, а шекелот закрепна по загубите во претходната сесија. - Банката во наредниот период ќе работи на пазарот на смирување на флуктуациите на курсот на шекелот и обезбедување на потребната ликвидност за правилно функционирање на пазарите, се вели во соопштението на институцијата.

Медиумите во Израел пишуваат за киднапирањето на девојката Ноа Аргамани, за која тврдат дека била киднапирана од страна на припадниците на Хамас. Семејството на Аргамани споделило неколку потресни снимки од нејзиното киднапирање во јужен Израел, јави Њујорк Тајмс. На снимките може да се види како терористите на Хамас ја одведуваат на задниот дел од мотор додека таа викала „не ме убивајте“ и посегнала по своето момче Ави Натан, кој исто така го држеле војниците на Хамас. И двајцата биле присутни на фестивалот во Газа, каде беше извршен голем напад.

Noa was partying in the south of Israel in a peace music festival when Hams terrorists kidnapped her and dragged her from Israel into Gaza.

Noa is held hostage by Hamas.

She could be your daughter, sister, friend.#BringBackOurFamily pic.twitter.com/gi2AStVdTQ

— Hen Mazzig (@HenMazzig) October 7, 2023

Безбедносните тактики на Израел „целосно пропаднаа“ во саботата, вели поранешен шеф на една од нивните разузнавачки служби. Дени Јатом, поранешен шеф на шпионската агенција Мосад и политичар од израелската опозициска Лабуристичка партија, вели дека „се тргна наопаку“ и „никој немаше поим“ во саботата кога Хамас го нападна Израел од Газа. Тој за програмата „Тудеј“ вели дека вториот слој на одбрана на Израел бил недоволен за да ги запре нападите, потсетувајќи на тоа како Израел бил фатен со рамни стапала речиси „50 години и еден ден“ од војната во Јом Кипур, кога коалицијата на арапски држави изврши инвазија.

Една од целите на Израел во конфликтот со борците на Хамас е да ја собори таа екстремистичка организација од власт во Појасот Газа, изјави денеска портпаролот на израелската војска Јонатан Конрикус. Според аналитичарите, со оваа изјава тој открил многу повеќе од премиерот Бенјамин Нетанјаху на платформата Х. Нетанјаху вчера му рече на кабинетот задолжен за безбедност дека одлучил да го оневозможи Хамас да владее на начин што претставува закана за израелските цивили. Илјада активисти на Хамас учествуваа во првичниот напад без преседан врз Израел, рече Конрикус. - Ова е убедливо најлошиот ден во историјата на Израел, нагласи тој. Израелските воздухопловни сили ноќеска продолжија со нападите врз Појасот Газа, а цели, меѓу другото, беа командни центри и згради во кои се сместени оперативците на Хамас. Рано утринава на периферијата на Појасот Газа се огласија сирени за предупредување за ракети, но нема потврда за ракетни напади, јавуваат израелските медиуми. Во меѓувреме, сè уште траат борбите со „Хамас“ кои преку границата се инфилтрираа во шест населени области, потврди главниот воен портпарол, контраадмирал Даниел Хагари.

Синоќа пред 21 часот на аеродромот Ринас во Тирана пристигна првиот авион на албанската влада со државјани од оваа земја и од регионот кои побарале да го напуштат Израел по прогласувањето на воена состојба. Авионот „Ер Албанија“ со 40 патници, меѓу кои и државјани од земјите од регионот како Косово, Северна Македонија, потпомогнат од Министерството за Европа и надворешни работи на Албанија, Министерството за инфраструктура и енергетика и Албанската амбасада во Израел, синоќа слета на меѓународниот аеродром „Мајка Тереза“.

Повеќе од 500 цели на Хамас и Исламски џихад во Појасот Газа беа погодени во текот на ноќта, соопштија израелските воздухопловни сили (ИАФ). ИАФ соопшти дека целите биле погодени од борбени авиони и хеликоптери, авиони и артилерија.

Live footage from my window! #Gaza pic.twitter.com/pdx8m3SGpa

— Muhammad Smiry ?? (@MuhammadSmiry) October 9, 2023

Се наведува дека биле погодени и седум командни центри на Хамас и команден центар на Исламски џихад.

Британско-израелски државјанин и неговата сопруга раскажале како поминале 12 часа затворени во безбедна просторија отпорна на бомби додека милитантите на Хамас го палеле нивниот дом. Иако понекогаш биле многу блиски со милитантите, тие биле принудени да останат на место поради тековните судири меѓу израелската армија и Хамас.

Израелската војска утринава соопшти дека во синоќешните напади врз Газа погодила повеќе од 500 цели и дека продолжува да ги неутрализира палестинските терористи кои влегуваат во Израел преку порозната граница со Појасот Газа, пишува „Тајмс оф Израел“. Израелските одбранбени сили (ИДФ) соопштија дека од саботата се убиени вкупно 73 израелски војници, кога Хамас изврши масовен напад врз Израел со ракетни напади и копнени упади во јужен Израел, јави „Тајмс оф Израел“, додавајќи дека од нив само вчера биле убиени 16 војници.

Азиските берзи утрово се тргуваа претпазливо, при што цените на нафтата драстично пораснаа, а доларот и јапонскиот јен зајакнаа додека инвеститорите ги следат вестите за воениот конфликт на Блискиот Исток. Во Австралија утрово цените на акциите пораснаа околу 0,4 отсто, додека на Шангајската берза паднаа за приближно 0,5 отсто. Во Хонг Конг нема работа поради ураган, а во Јапонија и Јужна Кореја поради празници. Инвеститорите утрово не се склони кон поризични инвестиции поради воениот конфликт на Блискиот Исток, откако борците на исламистичката организација Хамас во саботата го нападнаа Израел и убија повеќе од 700 луѓе. Израел возврати со воздушни напади врз Палестинците во Газа во неделата, при што загинаа стотици луѓе од двете страни. Зголеменото насилство се заканува со избувнување на нова војна на Блискиот Исток. Поради ова, на финансиските пазари владее неизвесност, па инвеститорите бараат побезбедни засолништа за својот капитал, а тоа се, меѓу другото, државните обврзници и валути, како што се доларот и јапонскиот јен.

Специјалната американска комесарка за антисемитизам, Дебора Липштад, како една од најпознатите истражувачи на холокаустот во светот, нападите на Хамас врз Израел ги оцени како „најсмртоносни за Евреите по холокаустот“. Липштад кажа дека „нема оправдување за гнасниот, варварски тероризам против израелските цивили и масовните убиства. Никој нема право да му кажува на Израел како да се брани и да спречи и одвраќа идни напади“.

Moments before Palestinians terrorists (paragliders) wrecked havoc on a 3000+ crowd at a music festival & massacred nearly 300, injured 1500 https://t.co/xHciIVvRqn

— Stone W (@StoneWaimea) October 9, 2023

Американскиот претседател, Џо Бајден, во вонредното обраќање од Белата куќа во саботата ноќта изјави дека „САД стојат зад Израел. Никогаш нема да престанеме да им го чуваме грбот… Израел има право да се брани себеси и својот народ.”

Ненадејниот напад на Хамас за време на викендот, кој вклучуваше илјадници ракети истрелани од Појасот Газа и копнени борби во Израел, има потенцијал да го попречи новиот дипломатски договор што може да го преобликува регионот. Хамас напаѓа и израелски цивилни и воени цели, а исто така киднапира непознат број израелски војници и граѓани, веројатно со намера во одреден момент да ги разменат за затвореници на Хамас во израелските затвори. Во минатото, Израел разменуваше голем број палестински затвореници за Израелци кои ги држеше Хамас. Израелските заложници што ги зема Хамас, исто така, ќе го комплицираат израелскиот воен одговор во Газа, бидејќи заложниците најверојатно ќе бидат распоредени на начин што ќе го одвлече вниманието на Израел од воздушните напади во Газа кои би можеле да ги загрозат заложниците.

Иранската мисија во Обединетите нации соопшти дека Техеран не бил вклучен во ниту еден од нападите на исламистичката група Хамас врз Израел, јавија британските медиуми. „Енергичните мерки преземени од Палестина се единствено и исклучиво легитимна одбрана од седумдецениската угнетувачка окупација и ужасните злосторства извршени од нелегитимниот ционистички режим“, соопшти мисијата. Иран не ја крие својата поддршка за Хамас, финансирањето и вооружувањето на групата и уште една радикална палестинска организација – Исламски џихад. Нападот на Хамас, најсмртоносниот во израелската историја, во кој загинаа над 1.000 Израелци и се киднапирани десетици Израелци, се совпадна со напорите, поддржани од САД, да се убеди Саудиска Арабија да ги нормализира односите со Израел во замена за одбранбениот договор меѓу Вашингтон и Ријад, потег што може да се покажа како кочница за натамошно одмрзнување на односите меѓу кралството и Техеран, забележуваат британските медиуми. На итен состанок зад затворени врати во Советот за безбедност на ОН, Вашингтон побара од 15-те членки на Советот одлучно да ги осудат „страшните терористички напади извршени од Хамас“, но највисокото тело на Обединетите нации сè уште не презело таква акција, објавија американските медиуми. По состанокот, постојаниот претставник на САД во СБ на ОН, Роберт Вуд, кажа дека „голем број земји“ го осудија нападот на Хамас, но не сите членови на Советот. Тој само дофрли дека медиумите веројатно може да погодат за кои земји станува збор. Рускиот постојан претставник во СБ на ОН, Василиј Небензја, изјави дека на итниот состанок на ова тело Американците се обиделе да посочат дека „Русија не ги осудува нападите, но тоа не е точно“. -Тоа беше присутно во моите забелешки, рече тој и додаде „ги осудуваме сите напади врз цивилите“. Според Небензја, непријателствата треба веднаш да се прекинат, да се склучи примирје и да почнат значајни преговори меѓу двете страни, какви немало децении со децении наназад. Неговиот кинески колега Џанг Јун претходно изрази слично мислење при влегувањето на состанокот. Тој кажа дека Пекинг ги осудува сите напади врз цивили, но не го спомна Хамас. „Она што е навистина важно е да се спречи дополнително ескалирање на ситуацијата и да предизвика повеќе цивилни жртви“, рече Џанг. „Важно е и навистина да се вратиме на решавање на конфликтот преку создавање на две држави (израелска и палестинска)“.

Висок функционер на Хамас соопшти дека групата држи повеќе од 100 луѓе во заробеништво по нападот врз Израел. – Високи израелски офицери се меѓу заробените, рече Муса Абу Марзук. Се работи за бројка која е дополнителна од повеќе од 30 лица за кои се тврди дека ги држи палестинската група Исламски џихад. Меѓу затворениците кои борците на Хамас ги одведоа во Газа има жени, деца и постари лица.

Израелските воздушни напади и гранатирањата насочени кон домови и станбени згради раселија околу 123.538 Палестинци во Газа, според Агенцијата за хуманитарна помош на ОН. Канцеларијата на ОН за координација на хуманитарни прашања, во својот најнов извештај соопшти дека многумина од оние кои беа принудени да ги напуштат своите домови се засолнети во околу 64 училишта во крајбрежната енклава. Значајните објекти уништени во израелските напади вклучуваат четири големи згради со повеќе ката на станбени единици, се вели во извештајот, додавајќи дека вкупно се уништени 159 станбени единици, додека 1.210 претрпеле сериозна штета