Првиот човек на Заводот за статистика, Апостол Симовски, во своето вечерашно гостување во емисијата „200“ на Алсат рече дека пописот покажал оти соодносот помеѓу вработеното население и бројот на пензионери во земјава не е на потребното ниво, кое би овозможило мирни и обезбедени пензиски денови за следните пензионери.

„Бројките покажуваат дека соодносот помеѓу она население коешто е во економска функција и она коешто е издржувано е тука некаде. Теоријата вели дека за да се издржува еден пензионер, треба четворица да работат. Кај нас, околу 700 илјади е бројот на активните луѓе, коишто работат, а некаде околу 400 илјади се пензионери. Ни оддалеку немаме таков сооднос…“, вели Симовски.