Во судирот на автомобил и мотор вчера попладне на крстосницата кај Соборниот храм во Скопје, тешко е повреден 19-годишниот возач на моторот, соопшти полицијата.

– На 27.05.2025 во 14.30 часот во СВР Скопје е пријавено дека на крстосница од бул.„Партизански одреди“ и бул.„Св.Климент Охридски“ во Скопје се случила сообраќајна несреќа помеѓу патничко возило „ауди“, управувано од С.М.А.(40) од Скопје, и мопед со скопски регистарски ознаки, управуван од З.Б.(19) од село Раовиќ, скопско. Во несреќата возачот на мопедот се здобил со тешки телесни повреди, констатирани во Комплексот клиники „Мајка Тереза“, велат од МВР.