Околу пладне во Тетово е уапсена 39-годишна жителка на градот која избегала од затворот „Идризово“, каде одлежува казна од четири и пол години за кривичното дело „Засновање ропски однос и превоз на лица во ропски однос“, соопшти полицијата.

Според МВР, таа има да лежи уште една и пол година од казната.

„Денеска околу 11:40 часот на бул. „Илинден“ во Тетово од страна на полициски службеници од Секторот за меѓународна полициска соработка- Отсек потрага и од СВР Тетово, од слобода е лишена Н.Х. (39) од Тетово, која била барана со потерница поради бегство од КПД Идризово. Таа е осудена на казна затвор од четири години и шест месеци за сторено кривично дело по чл.418 од КЗ, а за доиздржување има уште една година и шест месеци“, пишува во полициското соопштение.