Ренџерската служба на Националниот парк „Маврово“ утрово проншла отстрелана мечка со две мечиња во селото Жировница.

Директорот на Инспекторатот за животна средина, Сретен Стојановски кој на денешната прес-конференција го презентираше шестмесечниот извештај за работата на Инспекторатот ја соопшти информацијата и изјави дека се згрозени од овој чин.

На терен е виш инспектор со колеги од Агенцијата за храна и ветеринарство и останатите надлежни инспекторати работат на утврдување на причините за смртта на мечките – соопшти Стојановски.

НП „Маврово“ е природно живеалиште на кафеавата мечка, животно под трајна заштита на државата, согласно Законот за ловство и не смее да се лови.