Фудбалерите на Шкендија продолжуваат успешно во квалификациите на Лигата на шампионите, во првите две кола успеаја да ги елиминираат ТНС од Велс и ФЦСБ од Романија.

Тетовските „црвено-црни“ во третото квалификациско коло на ЛШ ќе играат против Карабах од Азербејџан.

Македонскиот првак ќе биде домаќин на првиот натпревар што ќе се игра на 5 август на Националната арена „Тодор Проески“ во Скопје со почеток од 20.00 часот.

Во продажба се билетите за овој меч на „МКтикетс“ по цена од 300 денари. Повеќе ТУКА

На денот на натпреварот, тие ќе бидат достапни на билетарницата на стадионот „Тодор Проески“ во Скопјe.

Денеска ФК Шкендија објави дека билетите се достапни на повеќе локации во Скопје, Тетово, Куманово и Гостивар.