Во палатата Чираган во Истанбул, каде што денес ќе се одржи втората рунда преговори меѓу делегациите на Русија и Украина, безбедносните службеници проверија за евентуално присуство на експлозивна направа или бомба, објави РИА Новости.

Проверката е извршена со помош на кучиња трагачи, а на влезот во резиденцијата се поставени рампи каде што внимателно се проверуваат оние што влегуваат.

По темелна безбедносна проверка, на новинарите им е дозволено да влезат во просторот наменет за преговори во палатата.

Помошникот на рускиот претседател, Владимир Медински, синоќа пристигна во Истанбул и тој ја предводи руската делегација во новата рунда разговори со Украина.