Малиот град Уткијагвик на Алјаска нема да го види изгрејсонцето во следните 64 дена почнувајќи од денеска, колку што ќе трае поларната ноќ на тоа место, објави „Вашингтон пост“.

Најсеверниот град во САД, Уткијагвик, порано познат како Бароу, има население од 5.000 жители и се наоѓа на приближно 530 километри северно од Арктичкиот круг.

Сонцето ќе зајде денеска во 13 часот и 27 минути по локално време, додека над хоризонтот повторно ќе се издигне дури на 22 јануари 2025 година. Потоа сонцето ќе изгрее во 13 часот и 15 минути на југ, а ќе зајде само 48 минути подоцна.

Дотогаш, небото може да добие нијанси на виолетова боја, но сонцето нема да стигне до линијата на хоризонтот.

На зимската краткоденица, 21 декември, Сонцето напладне во Уткијагвик и понатаму ќе биде 4,7 степени под хоризонтот.

Уткиагвик ја собира својата сончева светлина во текот на 24-часовниот летен период, кој ќе се случи помеѓу 11 мај и 19 август 2025 година.

Поради навалувањето на Земјата на нејзината оска, регионите во Арктичкиот круг можат да останат свртени кон спротивната страна на Земјината хемисфера од сонцето со денови, недели или дури месеци помеѓу есенската и пролетната рамноденица. На Северниот и Јужниот Пол има само едно изгрејсонце и едно зајдисонце годишно.

Сонцето на Северниот пол изгрева на пролетната рамноденица и заоѓа на есенската рамноденица, што значи дека точката на земјината топка има дневна светлина помеѓу март и септември.

Во текот на есента и зимата темнината трае шест месеци, а единствената светлина доаѓа од ѕвездите, месечината и поларната светлина.