Во Штаерска започна сезоната на берба на грозјето. Временските услови ја направија оваа најрана берба во историјата на некои места.

„Времето е сојузник и ментор на лозарите, така што оваа година нè научи нешто ново“, рече Бранимир Жличар, главен менаџер на винаријата „Пуклавец Фамилија Вина“. Според него, се работи за рекордно рана берба:

„Знаевме дека бербата ќе биде рана, но сепак природните услови нè изненадија“, рече тој. „Примероците од лабораторијата покажаа дека грозјето е оптимално за берба, па моравме брзо да реагираме“, додаде тој за Н1 Словенија.

Сепак, тој се надева дека временските услови ќе се смират и бербата ќе се забави. Лука Радичек, главен енолог на винарската визба „Пуклавец Фамилија Вина“ објасни дека параметрите на бербата се очекувани и навистина совршени за пенливи вина, но бербата е за три недели порано од вообичаено. Моментално се бере грозје во две лозја, Грлица и Вртец, а продолжувањето зависи од лабораториски податоци.