Жаклин Бувије, позната на светот како Џеки Кенеди, го изговори судбоносното „да“ во 1953 година, облечена во венчаница која многумина ја нарекоа најубавата што светот ја видел дотогаш. Со тоа веднаш стана икона на стилот и најдобро облечена Прва дама, а нејзиниот изглед сè уште се копира, пишува „Стил“.

Свадбата со Џон Кенеди била вистински гламурозен настан. На 12 септември, во присуство на 600 дипломати, сенатори и припадници на американската елита, парот се венчал, а на приемот по церемонијата им се приклучиле уште 300 гости.

На Џеки и Џон им биле потребни цели два часа да се поздрават со сите гости. Но, малкумина знаат дека венчавката речиси била откажана.

Венчаница речиси уништена пред големиот ден

Дизајнерката Ен Лоу посветила цели два месеца на изработката на венчаницата и уште 14 фустани за свадбата. Но, само десет дена пред настанот, пукната водоводна цевка предизвикала поплава во нејзиниот салон, уништувајќи 10 од 15 фустани – вклучувајќи ја и венчаницата на Џеки.

Наместо да се предаде, Ен веднаш купила нов материјал и заедно со своите шивачки работела ден и ноќ за да ги заврши фустаните навреме. Ден пред свадбата, лично ги донела во Нјупорт, каде што живеело семејството Бувије.

Ann Lowe also made Jackie Kennedy’s wedding dress! 💖 pic.twitter.com/Jx3tTqT5jB

— sarcher (@sarcher06466184) January 7, 2024

Расизам на прагот од гламурот

Кога стигнала на имотот, чуварите ѝ рекле дека не смее да влезе преку главниот влез – бидејќи е Афроамериканка. Требала да влезе преку влезот за послуга. „Ако морам да влезам одзади, тогаш нема да ги добијат фустаните“, одговорила Ен. По кратко двоумење, ѝ дозволиле да влезе преку главниот влез.

Така, Џеки ја добила својата раскошна свилена венчаница што влезе во модната историја, а нејзината мајка и деверушите блескале во креации на Ен.

Животна приказна скриена зад шевот

Иако со тој фустан заслужено би требало да стане славна, Ен Лоу останала „најдобро чуваната тајна на модниот свет“ – поради расистичките ставови во тогашна Америка. Облекувала жени од високо друштво, меѓу кои и членки на семејството Рокфелер, а глумицата Оливија де Хевиленд својот прв Оскар го примила токму во нејзина креација.

Сепак, нејзиното име ретко се споменувало. Се прераскажува дека, откако модниот великан Кристијан Диор фатил една од нејзините креации, со љубопитна завист прашал: „Кој го направил овој фустан?“

„Имаше феноменална техника на шиење. Дури и внатрешните шавови ѝ беа совршени. Клиентите знаеја дека кај неа добиваат Диор квалитет по многу пониска цена“, изјавила костимографката и историчарка Маргарет Пауел.

John F. & Jackie Kennedy on their wedding day on September 12, 1953 pic.twitter.com/uRrC5DdZhS

— Edward Elderman (@edwereddie) October 9, 2024

Подвизи со висока цена

И покрај уметноста и посветеноста, Ен им наплаќала премалку. Венчаницата за Џеки ја продала за 500 долари, иако нејзината реална вредност била 1.500. А откако го купила новиот материјал по поплавата, завршила во долгови.

Го затворила салонот и се вработила како шивачка во стоковна куќа. Но, поради глауком почнала да го губи видот и морала да се откаже и од таа работа. Во тој момент ѝ должела на државата 12.500 долари за данок.

Тогаш, добила повик од даночната служба – некој анонимен платил сè. Ен до крајот на животот верувала дека тоа била Џеки.

Повторно на врвот – и покрај сè

Благодарение на тој гест, повторно отворила салон, ангажирала шивачки и продолжила да работи сè до 1969 година, кога на 72 години се пензионирала.

Историјата ја памети како првата Афроамериканка со успешна дизајнерска кариера. Пет од нејзините фустани денес се дел од вредната колекција на Институтот за костимографија на Музејот „Метрополитен“ во Њујорк, колекција што ја прикажува модата од сите континенти во последните седум века.

Американското списание „Лајв“ напиша по венчавката: „Ова беше највеличествената свадба што високото друштво ја видело во последните 30 години“.

Legendary Kennedy Wedding
On Sept. 23, 1953, Jackie Bouvier Kennedy and John F. Kennedy wed in a ceremony many described as the “event of the year.” Per Good Housekeeping, there were 700 guests at the ceremony and over 1,200 at the reception…. pic.twitter.com/tMYmVuoEts

— ᶠᵃⁿˢ JFK MEMORIES (@JFK_MEMORIESS) February 28, 2025